Міжнародны дзень роднай мовы
Опубликовано: 22 февраля 2022 г.
21 лютага адзначаецца Міжнародны дзень роднай мовы. З гэтай нагоды для вучняў 7-8 класаў было праведзена цікавае мерапрыемства - падарожжа-віктарына "Пагавары са мной на мове, на нашай роднай..."
Натхнёна, узнёсла чыталі вучні любімыя вершы беларускіх паэтаў, прысвечаныя роднай мове, цудоўна прагучала песня "Гаворка беларуская".
А яшчэ на працягу падарожжа ў чароўны і прыгожы свет беларускай мовы рабяты паказалі трывалыя веды, пашырылі кругагляд, шмат даведаліся пра гісторыю мовы, славутых дзеячаў нацыянальнай культуры.
А з якой цікавасцю і захапленнем выконвалі ўдзельнікі каманд "Роднае слова" і "Летапісцы" разнастайныя конкурсныя заданні, імкнуліся да перамогі!
Як наказ усім нам - радкі з верша таленавітай паэткі Яўгеніі Янішчыц:
"Ды калі ты не бязродны сын - гавары са мной па-беларуску!"
