Тыдзень беларускай мовы і літаратуры
Опубликовано: 20 февраля 2020 г.
Надзвычай цікава, змястоўна, незвычайна прайшоў у школе з 10 па 15 тютага тыдзень беларускай мовы і літаратуры , які быў насычаны самымі разнастайнымі мерапрыемствамі, адкрытымі ўрокамі. Напрыклад, свае трывалыя веды па роднай мове і літаратуры вучні паказалі ў інтэлектуальнай гульні “Размаўляем па-беларуску”, літаратурным брэйн-рынгу, віктарыне “Вясёлыя лінгвісты”.
А колькі талентаў вучняў школы адкрылася на творчым конкурсе чытальнікаў “Жывая класіка”!
А яшчэ самае прыемнае, што нашы вучні пішуць і свае ўласныя вершы і прозу! У конкурсе “Дэбют” асабліва вызначыліся Гладкая Наталля, Дзеранчук Ілья, Пастухова Лілія, Зіновіч Кацярына і іншыя.
Прыемна здзівілі ўсіх і выстава “Традыцыйныя нацыянальныя стравы Драгічыншчыны”, “Беларускае ручное мастацтва”!
Незвычайнымі, забаўляльнымі , тэматычнымі былі і перапынкі на працягу тыдня: “Мультперапынак па-беларуску”, караоке “І песню родную люблю я…”, выстава кніг пісьменнікаў-землякоў “Літаратурная Драгічыншчына”, конкурс малюнкаў “Мой родны кут, як ты мне мілы!”, выступленні гуртка “Этнаграфічны тэатр”.
Усе мерапрыемствы тыдня беларускай мовы і літаратуры садзейнічалі выхаванню нацыянальная самасвядомасці вучняў, развіццю іх духоўнага патэнцыялу.
